Pambukak kato

Assalamualaikum warahmatullahi wabarakaatuh

Assalamualaikum di awa kato

Salam ka ganti siriah pinang

Ibaraik rokok nan sabatang

Pangarang Bungo baso basi

Pembuka rundiang ka rang banyak

Alhamdulillah wa syukuri lah

Puji syukur ka pado Allah

Nan maha Kayo tampek mamintak

Nan maha tinggi tampek bagantuang

Tampek ba iman baibadaik

Dari dunia sampai akhiraik

Ado pun ka mudian dari itu

Salam ambo ka angku2

Angku2 niniak mamak

Nan gadang basa Batuah

Angku2 imam Jo Katik

Bila Maulana Jo tuangku

Suluah nan indak kunjuang padam

Angku2 cadiak Jo pandai

Pasak Jo kungkuang di nagari

Mako

Nak salangkok ganok nyo lah

Nan Mudo salendang dunia

Nan tuo arih Budiman

Dubalang Jo ang palimo

Bundo kanduang Samo di dalam

Kararanggo di batang kapeh

manitih batang silasiah

Lalai ka pucuak silaro nyo

Bukan bahinggo Jo babateh

Indak ba babak Jo basisiah

Dalam panggilan ka samonyo

Tobaik ampunan kapado Allah

Maaf kabakeh angku2

Malinteh ambo di nan rapek

Mangirai ambo di nan rami

Antah tasabuik di nan Iyo

Antah tabaco di nan bukan

Sapanjang tangan bajambokan

Menguak buah dalam daun

Dek takuik tangan gumanta

Dek gamang mato tacelang

Dalam malembai antah malupuik

Taserah atah masuak dadak

Tolong dek angku mamiliahi

Nak Jan malu ambo di lasuang