Jenis parampuan di minang kabau

Jenis parampuan

Adopun parampuan di Minang kabau

Ado Ampek parakaro

Nan tigo di buang jauah2

Ciek sifaik nan Kadi pakaikan

1. Parampuan barau2

Tasabuik parampuan barau2

Kamudiak gilo basorak

Ka ilia gilo basorak

Sasak lah Rimbo di buek nyo

Itu lah misa Jo umpamo

Padusi tak punyo jakun

Mangicek sado nan tapikia

Indak ba pikia ka mangicek

Patandang patabua gunjiang

Aib urang di singkok2

Malu kawan di Kaka Kaka

Rasio suami basingik kan

Bingik dangki asuang pitanah

Upek caraco pagi Patang

Pamenan bibia tiok hari

Nan elok Baa ka buruak

Tagajai di jongkek kan nyo

Kok Ado sifaik nan baitu

Batimpo kutuak dari ateh

Batabua sumpah dari bawah

Urang lah jajok bakuliliang

Jauah kan Bana tu dek kito

2. Parampuan layang2

Layang kian layang Kamari

Maradai ba palun awan

Babega manyonsong angin

Panek manukiak nyo malanjik

Mainnyo di ateh2

Katonyo maninggi taruih

Indak nan labiah dari awak

Urang di sangko tunggua sajo

Padusi mati karancaak an

Malenggak di simpang Sinan

Baranti si simpang siko

Suko Malala Jo mangirai

Bajalan co kumpay anyuik

Lupo Jo kakok rumah tanggo

Cayah layanan ka suami

Ratak lah nyato baparinggo

Mananti pacah hanyo lai

3. Parampuan lawah2

Mambuek sarang rancak Rupo

Batanun Suji Samo jarang

Aluih nan bagai banang auto

Tapi Ka tahui lah .,..

Lahia nyo sarang nan tarantang

Bathin nyo jarek nan tapasang

Asah Ado sipatuang singgah

Awak bagageh maniayo

Niaik salah parangai jaek

Maisok darah dalam tubuah

Mancucuak isi utak banak

Itu parampuan nan paliang Hino

Manyamun Jo suduik mato

malepok ko galak Manoj

Sifaik nan bagai sifat pangkua

Semba kida raiah ka suok

Awak Lobo rakuih serakah

suami awak lah masak kicuah

Dunsanak awak di umbuak2

Bakawan Arok Jo nan lai

Mato duitan rang namokan

4. Parampuan ramo2

Satantangan parampuan ramo2

Badan sariang indah bamego

Sayok baukia baliak balah

Lunak lambuik sajuak bawaan

Maso kalua bakutiko

Tabang nyo ma agak2

Bapantang Kamari hinggok

Antah ka tangkai Bungo sajo

Gadang ketek Suko mancaliak

Tuo Mudo sanang mamandang

Tak Ado urang ka manggaduah

Kunun maambiak ka pamenan

Luruih Pai luruih pulang

Tajago Budi Jo martabat

Tidua nyo bakalang adaik

Tagaknyo batungkek undang

Taat setia ka suami

Hormat santun ka ibu bapo

Pandai bakawan Samo gadang

Ta puji Jo IPA bisan

Tapakai di masyarakat