caro ma imbau Maik Ka turun

Maimbau panitahan naik Ka turun

Assalamualaikum warahmatullahi wabarakaatuh

Sakik surang Damam barampek

Sapuluah urang nan manarangkan

Koq sakik alah di carikan ubek

Kok Damam alah di carikan tawa

Tapi Baa lah mangatokan

Ubek nan indak manyanangkan

Tawa nan indak mandingin kan

Indak dapek si landak padi

Landak bilah nan babuku

Indak dapek ba kandak hati

Kandak Allah nan balaku

Ma kandak Allah nan balaku

Innalilahi wa innailaihi raajiun

Alah bapulang kerah matullah

Urang tuo kami....

Namo: ... Gala

Umua:...

Suku:...

Maningga Pado :

Dinan sakarang kini Bangko

Lakek pitua dek nan pandai

Dek lamo hiduik banyak di rasai

Jauah bajalan banyak nan tampak

Salamo almarhum hiduik

Capek tangan kok mamacah

Capek kaki koq manaruang

Tasingguang mamak bakeh naiak

Tagisia niniak bakeh turun

Alah talao Mandeh di janjang

Nan ka mambarekkan ka diri baliau

Tolong dek kito mamaafkan

Baa dek awak nan Basamo.... ?

Adopun di subaliak itu

Kami ahli waris lah 

Katiko kali ka di langkah

Katiko niaik ka di sabuik

Kami talabiah dahulu mamaafkan

Akan tatapi samantang dek baitu

Koq Ado nan tak mungkin di maafkan

Barupo pitih nan babilang 

Sabantuak ameh nan batayia

Ataupun kain nan baheto

Baroman Bareh nan basukek

Ado basasi bakatarangan

Kami ahli waris

Sataduah hari satarang kabuik

Kami basadio manyalasaikan

Terakhir karano almarhum manuju tampek terakhir

Mari samo2 Kito hadiahkan

Ummulnyo Al-Qur'an alfatihah...

Tarimo kasih ateh sagalo paratian

Mohon maaf ateh sagalo kakurangan

Assalamualaikum warahmatullahi wabarakaatuh